الاثنين، 2 ديسمبر، 2013

بيضيات قنديل

يا بيض يا بيض يا ليل
يا بيض يا بيض يا عين
منين اجيب ناس لمعناة الكلام يتلوه
شبه العساكر.. اذا شافوا ثائر.. ضربوه
عجبي عليك يا زمن يا ابو الميزان اعوج
دم الشهيد بيسيل و الخلق تتفرج
و اللي يروح ماله رجوع و لا له تار
و اللي فضل شايل في قلبه النار
و هتعمل ايه يا حزين علي صحبة الميدان
اصل البشر عامية سارحة ورا عميان
يشوف الحق متبهدل و متمرمط
يقف علي جتته يفرح و يتنطط
يا موهومين بالاستقرار
يا بشر بمخ حمار
حق الغلابة اهو راح
و حق الشهيد اهو طار
و انت هتفضل تجري ورا الفتافيت
و تعيش عبيط.. و تموت عبيط
يا بيض يا بيض يا ليل
يا بيض يا بيض يا عين

الجمعة، 29 نوفمبر، 2013

بدون عنوان

وبرغم الليل و سواد طوله
الشمس في اخره لازم تطلع
و لو ان النور مهما تقولوا
مش هيخلي اللي رحل يرجع
بنلف نلف نلف نلف
ورا بعض دواير مقفولة
نهرب من سكينة القاتل
علي حضن الحلوة ماما الغولة
يا اخوانا المبدأ تاه مني
و المنطق راقد عيان
و لا شكل فيه تار راح يتاخد
و لا شكل الحق ناوي يبان
و برغم الليل وسواد طولة
الشمس في اخره لازم تطلع
و لو ان النور مهما تقولوا
مش هيخلي اللي رحل يرجع

الأحد، 21 يوليو، 2013

صباح مصري جدا

بعد صباح الخير علي غفر الليل..

الأولة في الخرا عايشين بقالنا زمان..

والتانية ايه الجديد؟ طول عمرنا بنتهان..

والتالتة أحا وفوقيها شخرة كمان..

تهز كرسي الوزير و الباشا و السلطان..

تقوّم اللي رقد من قهرته عيان..

يرفع اديه الاتنين.. يكسر البيبان..

و ينادي ياااا معرصين.. حقي في يوم هيبان

الاثنين، 8 يوليو، 2013

Statement translation

Translation of Muhammad baddie's statement about the republican guard situation:
Although the bitterness we all suffer, we are prepared to accept the faithful initiatives that call for restoring legitimacy in full manner, a president, a constitution and a parliament.after that the president will mange a general discussion between all the national powers where all the matters of disapproval will have discussed in order to achieve a patriotic pardon in favor of the national best interest to save the Egyptian blood and to out from the dark tunnel which we were forced into by the military coup that brought the country nearly to the very e edge of doom.  

The translator notes:
A. The statement was published very soon after the clashes as if it was prepared earlier.
B. There it's not a single world of consolidation or solidarity with the victims who are supposed to be his clan members.
C. The statement stated a single manner to solve the errupting situation that continues to shed Egyptian blood on both sides, disregarding the people rejection of Muhammad morsi as a president.  

Conclusion:
Any fair observer will find the Muslim brotherhood is making deals and bargins on the blood of the Egyptian people no matter if they are military , brotherhood members or innocent civilians. That is why we refused them and our army helped us It is not a coup ..it is an army fulfilling his people ligit demands.

السبت، 2 فبراير، 2013

نويت الاكتئاب تاني

نويت الاكتئاب تاني
سنتين و لسة زي ما احنا
حقوقنا ضايعة و عايشين في محنة
الدم هاين و المر باين و النحس غطي كل المعاني
فنويت الاكتئاب تاني
***
اسامي اللي ماتوا فاقوا العدد
بعد اما كان ملو العيون
صبح جرافيتي الولد
عيشي بعارك يا بلد
خسارة فيها حتي المعاني
نويت الاكتئاب تاني
***
دنا كنت برفع راسي بيكي لاني منك
ومستعد اوهب حياتي لضحك سنك
وانتي بتقتلي فيا و كأنك
عاجبك دمايا و غضبي و جناني
فنويت الاكتئاب تاني
***
بعد اما قلت معادش اكتئاب
بقينا رجال و خلصوا الكلاب
و ديتها كام يوم زنقة و عذاب
و تبقي بلدنا ست المداني
نويت الاكتئاب تاني

الاثنين، 7 يناير، 2013

أذان من مالطا .. اربعون عاما تتيهون


قررت أن أعتلي اليوم مأذنة مالطا الكبري .. اسمحولي اطلع عليها و ائذن شوية و أهو ابقي بعبعت باللي جوايا بدون طائل كالعادة
احب اقولكم مفاجأة .. شعبنا جاهل .. أييييييوة جاهل و ابن جاهل .. و بشكل متعمد و ممنهج و موجه و بيتلعب عليه كل الألعاب بداية من الطفولة مفيش تعليم كويس يخليك تحب تبحث أو تقرا انت يا دوب بتفتح الكتاب ليلة الامتحان عشان تصبح ترجع اللي قريته و تتمني تخلص تعليم عشان تبطل قراية .. لغتنا العربية كتابة و قراءة صفر .. ومش بتكلم علي أطفال بتكلم علي دكاترة و  مهندسين لأن دول آخر ناس خدت عربي .. دلوقتي الأطفال بتتكلم العربي بس بالعافية و بيكتبوه فرانكو .. و اللي بيفلت من الدايرة دي  بسبب معجزة ما و لأسباب عجائبية يحب البحث العلمي و يقرا ويدور –لاحظ اني مقلتش يتفوق عشان تعليم الحفظ بتاعنا ممكن تتفوق فيه بدون ادني ثقافة ولا تعليم كمان المهم تحفظ علي بال ما تمتحن و انسي بكرة- .. بيتم تضييق الخناق عليه و كبته و محاصرته في دواير الروتين لحد ما يموت .
الغلابة والمهمشين و اللي عايشين في العشوائيات او تحت خط الفقر زي ما بنقول مقصود تماما انهم يبقوا غلابة و مهمشين و يبقوا عارفين دايما انهم تحت و البهوات فوق و اي حد ببدلة يبقي ابن ناس و نضيف و لازم يؤمنوا تماما ان ولاد الناس النضاف ليهم حقوق علي الغلابة اللي زيهم و حسناتهم نعمة واجبة الشكر .. ربنا يديهم و يزيدهم يا رب.. طب حد قال للغلبان المهمش ده مرة ان له حق؟؟ جرب تعملها .. قوله ليك حق .. هيقولك ياعم الحداية مبتحدفش كتاكيت .. انا غلبان وفي حالي .. هو اللي بيروح عند الحكومة بيرجع .. كل ده اتزرع في وعيهم عن عمد.
من الحاجات الشهيرة أوي في الثورة الشاب البسيط اللي بيقول للشاب (اللي شكله متعلم) ارجع انت و سيبني اموت .. انتوا اهم للبلد .. طبهو مثلا كان اطلع علي شهاداته و شاف انه عالم فيزياء نووية و عرف انه اهم للبلد؟؟
منين أيقن في لحظة وسط الضرب و الموت و الغاز و الدم ان الشخص ده أهم منه ولازم يحافظ عليه؟؟
العملية تجذير مفهوم الطبقات و ان ابن الناس النضيف مهم وانت لأ .. انت فيه منك كتير هو لأ .. انت عارف ده أهله صرفوا عليه كام؟؟ انت عارف ده بقي دكتور في كام سنة؟؟ انت عارف البدلة الميري اللي هو لابسها دي بكام؟؟
الحكومة لعبت علي الجهل ده و خلقت جميع الأوهام الممكنة وهم الرئيس الأب القائد الزعيم الذي لا يأتيه الباطل من بين يديه أو من خلفه وهم الباشا الظابط و الباشا الأمين ومعالي السيد الذكتور الوزير المحافظ الناس دي مبتغلطش .. يعني احنا هنعرف زيهم؟؟
من النكت العميقة أوي و اللي أتمني يكون اللي طلعها أيا كان قاصدها زي ما انا فهمتها.. نكتة الدكتور اللي قال للراجل البسيط البقاء لله يا حاج ابنك مات .. و الولد طالع من أوضة الكشف يقوله أنا مموتش يا ابه .. قاله اسكت يا ابن الكلب انت هتفهم أحسن من الدكتور.
الشعب المجهل ده محتاج حاجة توجهه ميقدرش يقول لها لأ .. أكيد ربنا .. يبقي ربنا بيقول الخروج ع الحاكم حرام .. و الشيوخ بتقول كلام ربنا يعني هيكدبوا؟؟  يعني انت هتفهم أحسن من الشيخ الدكتور الأستاذ .. انت مش شايف دقنه قد ايه؟؟
و النتيجة .. رموز جوفاء لا تسمن و لا تغني من جوع و مفيش فيها واحد ينفع يبقي قيادة حقيقية ولا واحد .. سببوا معضلة لطيفة أوي اسمها و تجيب مين .. تمشوا مبارك؟ و تجيب مين؟ تمشوا الجيش؟ و تجيب مين؟ تمشي مرسي؟ و  تجيب مين؟
مفيش مصري واحد بيحترم حد او بيحب حد لسبب منطقي .. سبب موضوعي مش شخصي .. طبعا انا بتكلم ع السواد الأعظم مش القلة اللي فهمت بالصدفة
مبارك ..ده بابانا صاحب الطلعة الجوية
الجيش ده اللي حامينا و اللي رجع سينا و أكيد طنطاوي يعني عمل حاجة
مرسي ده الراجل بتاع ربنا اللي حافظ القرآن و بعدين ده دكتور مهندس .. الاتنين يعني شوف  كان جايب كام في المية في ثانوي.
البرادعي ده الراجل الخبرة المحترم الليبرالي المتحرر اللي جايب معاه نهضة الغرب
حمدين المناضل اللي اتسجن كتير و قومي و اشتراكي و كده
ابو اسماعيل .. يا جدع ده عامل حتة موسوعة في السيرة النبوية و بعدين ده اوباما بيخاف منه
اشاعات و  دعاية موجهة و مواقف منها ما يحترم و منها المفتعل
و الكل بيلعب ع الجهل .. محدش عايز يعلم الناس .. حتي المعارضة .. بدل ما نعلم الناس ان ليهم حق .. نقولهم ده القائد اللي هيديكم حقكم .. بس الحقوق لا تمنح
و كله بيعمل كده طنطاوي و مرسي و حمدين و البرادعي و ابو اسماعيل و كله كله سواء بشكل مباشر او غير مباشر
و عشان كده كلهم بيحموا بعض من الأول .. السجان و المسجون .. اللعبة قواعدها معروفة اسجنك النهاردة و تسجني بكرة و كله في الاتفاق .. المسجون اللي فلوسه و مشاريعه و جماعته مالكة نص البلد يبقي مضطهد ازاي؟؟ و اللي جاي من برة بحلم التغيير يقعد مع عسكر النظام و احنا بنموت في محمد محمود يقولهم انا مستعد اقبل رئاسة الوزراء و  احنا بنعرض عليه يستلم السلطة كلها بدمنا؟؟ و الشيخ بتاع ربنا الكذاب اللي ياخدك البحر و يرجعك عطشان و لا مين و لا مين و لامين.

كل اللي حصل مفاجأة أخدت تمانتاشر يوم عشان يفوقوا منها و يظبطوا خطتهم علي المعطيات الجديدة .. مفاجأة لن تتكرر مرة تانية وتم التأكد من ده
الميدان بقي مرتع للبلطجية و الثوار اللي متحبسش و متقتلش منهم اتشوه معنويا و الحركات الثورية عميلة وقابضة وكل من تسول له نفسه التحدث عن الثورة و الحق بقي كفار و شواذ بمساعدة المدعين الأفاقين اللي أبرأ إلي الله بنفسي و ديني منهم اللي بيطلعوا في القنوات الدينية يمجدوا الحاكم.
الغالبية المجهلة بمختلف مستوياتها و درجات تعليمها خلاص .. مش هتقرب ناحية الحاجات الكخ دي تاني .. اتعرفوا ان دول أعداء الدين
حتى النخبويين جميعا و انا منهم .. اللي هما كل واحد فاهم أو فاكر نفسه فاهم مستنيين ايه؟؟
ثورة الجياع .. الغلابة متلاقيش تاكل تبدي تخرب و تسرق ..
انما محدش بيحاول ان الفقير يفهم انه له حق و يطلع يطالب بيه من غير تكسير و لا تخريب .. محدش عارف يفهمهم ان دي بلدهم و ان السلطة هي العدو مش اخوك المواطن اللي زيك .. اللي معاه خايف و اللي معاهوش بيبصله بحقد و مستني لحظة ما يخطف منه .. و سايبين اللي فوق اللي سارق من الكل ..الطبقية و استغلال الجهل متجذرة جوانا زيهم و احنا جهلة زيهم .. الانتفاضة حصلت و الغلابة فرحت بالهيصة ..
متخيل احساس الراجل الغلبان اللي كسر اللات؟؟
عاش طول عمره يعبد فيه و فجأة لقاه بيتكسر..  أول ضربة ضربها بخوف و التانية لما ملقاش رد زاد عزمها .. اللات اتهز و وقع .. لكن بردو فضل يعبد صنم .. اللات وقع بس العزى مازال قائم ..
اللي حصل تم التأكد انه لن يتكرر .. الأمل في الوعي .. عرف صاحب الحق ان له حق ومش عيب يطلبه .. اربعون عاما في الصحراء تتيهون .. هذا قولي لكم